من أنا؟

بنعتقد إن الحزن من أصعب المشاعر، لكن الحزن زي الفرح في النهاية، بييجي ويروح وله وقته. الوجع اللي بقيت متعايش معاه والألم المستمر اللي مش عارف تشرحه، الإحباط واليأس، الشعور بالظلم والكبت، الخذلان اللي بيلاحقك، الغربة والوحدة والخوف.. كل دا لما يتجمّع جواك ما يبقاش اسمه حزن.. هو شعور مُركب نقدر نقول عليه إنك تايه ومش فاهم حاجة، الأيام عمّالة تعدي وانت جوّا دايرة ما بتطلعش منها غير لما بنتفاجِئ بالموت ! بنموت وإحنا ما فهمناش حاجة.. جوانا أسئلة كتير ما سألناهاش، ومن أهم الأسئلة اللي لازم تسألها لنفسك سؤال: (مين أنا؟). والإجابة عليه محتاجة رحلة طويلة من أسئلة وأجوبة تانية كتير، رحلة معاني ومفاهيم بإجابتها هتتعرّف على نفسك بنسخة جديدة منك.